قطر الحياة
بقلم : علاء عامر
قاعد مستني القطر.
شايفة جاي وبيصفر.
قطر الحياة ما بيتأخر.
وباخد مع عقلى وبفكر
في حالي وقول وأتدبر
وبصبر قلبي على المر.
لقيت العمر بيا مر.
وحلقي لسة بيمرر..
والدنيا بحالها بتتغير.
وأنا واقف محلك سر.
لسة في همي وبجرجر.
وكلامي بعيدة وبكرر.
لا اتشجعت مرة وأقرر
أخد قرار واحد وأتغير
بدل ما أنا مهموم متحير
الكل ماشى وحالة ميسر.
شيلة الهم تقيلة وبتكسر.
بخلي إيماني قوي وكبر.
كل شيلة تقيلة حتصغر.
وحنا خفاف وبنفرفر.
لا عندنا صبر ونتصبر
أيوب بصبرة قدر..
يغير حالة ويتغير
ساب همة ع اللى خلقة.
ودعى ربه يشفى مرضة
بكن.وكان..كان موعظة.
للخلق تيجي من بعدة
نقول يا ايوب تنفك عقدة.
ورسولك صبر على أهلة.
أتمنى ليهم الخير والجنة.
وأتمنوا لية النار ما يتهنى
سيبها ع اللي خالقها
هوة وحده قادر يصرفها
بنى آدم مايعرف حكمتها.
اللى خلقك عالم بحالك.
لطيف وخبير بأحوالك.
قادر فغمضة يغيرهالك.
من ليل ونهار ييسرهالك.
ودموع عينك تفرحلك.
يروح حزنك ف انفاسك
وتزين قلبك بأزهارك
كل مشاعرك ف أغصانك
وتنسى الآمك وعذابك.
وكأنة ماكنت ف خيالك
مرت وعديت فى سحابة.
ذى نقطة مطر ف غيامة.
راحت ومش تانى راجعة.
الأيام بتعدى ولو بكآبة.
طبطب على نفسك بهداوة.
